მაშ რატომ არ უნდა დაიბანოთ უფრო ხშირად, ვიდრე თვეში ერთხელ? :D

დღეს ჯანმრთელობის შესახებ ერთი ძველი წიგნი ვნახე, თმის მოვლის თემაში საინტერესო აზრებს წავაწყდი და გიზიარებთ:

"თმის დაბანა წარმოადგენს თმების მოვლის ერთ-ერთ ძირითად ფაქტორს. თმები, კანის მსგავსად, ცხიმიანდება და მტვრინდება. მაშ რატომ არ უნდა დაიბანოთ იგი უფრო ხშირად, ვიდრე თვეში ერთხელ? იქნებ ფიქრობთ, რომ ხშირი დაბანა თმებისათვის საზიანოა? ეს მცდარი შეხედულებაა, რომელიც რაც უფრო მალე მოისპობა, მით უკეთესია."

იმედია, ახლა მაინც გაიგებთ, რომ თმა უფრო ხშირად უნდა დაიბანოთ, ვიდრე თვეში ერთხელ :)))
დედა იხსენებდა დღეს, კანის ექიმთან კედელზე უნახავს პლაკატი, სადაც ეწერა, რომ ტანი 10 დღეში ერთხელ უნდა დავიბანოთ, ეს, რა თქმა უნდა, ძალიან ბეეევრი წლის წინ იყო. წიგნიც 1965 წელს გამოშვებული.
შეხედულებების შეცვლაზე გამახსენდა, ამასწინათ ეპილაციის გაკეთების დროს მიყვებოდა კოსმეტოლოგი, რომ ადრე მეგობრისთვის ტუჩზე ეპილაცია გაუკეთებია და იმ გოგოს რომ გაუგია, შეიძლება თმა აღარ ამოსულიყო, უნერვიულია :)))

ეპილაცია _ ყველაზე უმტკივნეულო პროცედურა

2 დღის წინ ჩემს თვალში ელექტრო ეპილაციის, როგორც ძალიან მტკივნეული პროცედურის მითი დაიმსხვრა. ერთი საათის განმავლობაში ძალიან მშიდად, აბსოლუტურად უმტკივნეულოდ ვიკეთებდი ეპილაციას ყურებთან. სულ ონავ წვა ვიგრძენი მარცხენა მხარეს. როგორც მითხრეს, ზოგადად მარცხენა მხარეს უფრო მტკივნეული ყოფილა, თუმცა არ ვიცი, რატომ. ისე მომეწონა, რომ ვფიქრობ ხელ-ფეხზეც კი გავიკეთო...