შილაკის მანიკური

Nail Bar-ში შილაკის მანიკურის პროცედურის ვაუჩერი ისე ვიყიდე, შილაკის შესახებ ბევრი არაფერი ვიცოდი. Shellac Creative Nail Design (CND)-ს მიერ წარმოებული ლაქია, რომელიც მინიმუმ ორი კვირა ძლებს. ლაკი არათუ აზიანებს, პირიქით, აძლიერებს ფრჩხილებს. ერთ-ერთ სტატიაში ლაქის შესახებ ასეთი ფრაზა ამოვიკითხე: The slick new polish is the buzz of the manicure industry. შილაკით მანიკურის გაკეთებას თავისი წესები აქვს, რომელიც დეტალურადაა ნაჩვენები ვიდეოში. პირველ რიგში, შილაკის გაკეთებას თუ გადაწყვეტთ, ფრჩხილები არ უნდა გაიკეთოთ კლასიკურად (ნუნების წყალში დალბობით). ნუნების მოსაცილებლად შეგიძლიათ გამოიყენოთ სპეციალური სითხე, მაგალითად ეს ფრჩხილები გაკეთების შემდეგ შეგიძლიათ გაიშროთ სპეციალურ ლამპაში, როგორიც ნაჩვენებია ვიდეოში.ასეთი ლამპების ფასი ამაზონზე 20$-დან იწყება. ლამპის გარეშე შილაკი უბრალოდ არ შრება. ფრჩხილების გაკეთების შემდეგ, წაისვამთ ფრჩხილების დამცავს (shellac-ის Basa), შემდეგ ლაკს(ერთხელ ან ორჯერ, როგორც მოგწონთ), შემდეგ ლაკის დამცავს (Shellac top coat). რამდენჯერაც სითხეს წაისვამთ, ყოველთვის უნდა გამოაშროთ ფრჩხილები. Shellac top coat ფრჩხილებს წებოვანს გახდის, ამიტომ ფრჩხილები შეგიძლიათ აცეტონით გაიპრიალოთ და ბოლოს ნუნების ზეთი წაისვათ. შილაკს აქეტონი არ აცილებს, სპეციალური სითხეა საჭირო მის მოსაშორებლად. გაითვალისწინეთ, რომ შილაკი მხოლოდ ბუნებრივ და ჯანსაღ ფრჩხილზე კეთდება. შილაკის მანიკურის პროცედურა Nail Bar-ში 35 ლარი ღირს. სალონზეც მინდა ორიოდი სიტყვით ვთქვა, რომ ძალიან სასიამოვნო სალონია, გემოვნებით მოწყობილი, თუმცა საოცრად შეუსაბამო რუსული სიმღერები იყო ჩართული. მომსახურე პერსონალიც მომეწონა.

სამწუხაროდ, შილაკის ფერების დიდი არჩევანი არ აქვთ. ფაქტიურად, მხოლოდ მკვეთრი ფერები (ძირითადად წითელის ტონალობები) და ფრენჩი ქონდათ, ისიც ძალიან ცუდი თეთრი. ასე გამოიყურებოდა ჩემი ფრჩხილები შილაკის გაკეთების დღეს, მას შემდეგ 10 დღე გავიდა, მაგრამ ისევ ასე გამოიყურება ჩემი მანიკური. სხვა ლაკებისგან განსხვავებით შილაკი ძალიან პრიალებს.

შილაკი ესაა მდედრი მწერის სახეობის მიერ გამოყოფილი ხის ფისი. ლაკის მწერი, რომელიც ინდოეთსა და ტაილანდში ხეებზე ბინადრობს, იწოვს მცენარისგან სითხეს და თავადაც გამოყოფს ფისს, ბუნებრივ ლაკს, რისი საშუალებითაც ის და მისი კვერცხები მცენარეს ეწებებიან. მწერების პოპულაცია მთელ ხეს ედება. ადამიანები ხეებს ფისს აცლლიან, სხვადასხვა მეთოდით ასუფთავებენ და ყიდიან. ფისი, იგივე შილაკი სხვა დარგებთან ერთად, გამოიყენება კოსმეტიკაში.

კოსმეტიკისა და ესთეტიკური მედიცინის გამოფენა

57 საგამოფენო სტენდზე წარმოდგენილი 90-მდე კომპანიისა და საწარმოს დანადგარები სილამაზისა და მედიცინის სფეროდან, ალბათ, ის ადგილია, სადაც beauty blog-ის ავტორი საათებს უნდა ატარებდეს. მე კი 23 ივნისს დაწყებულ გამოფენაზე, მხოლოდ დღეს, დახურვამდე ბოლო ორი საათით ადრე მომიწია შერბენა.
მოკლედ, 23-26 ივნისს საგამოფენო ცენტრმა ”ექსპო ჯორჯია” კოსმეტიკისა და ესთეტიკური მედიცინის მე-6 სართაშორისო გამოფენას უმასპინძლა.
გამოფენაზე იყო როგორც ქართული, ისე უცხოური პროდუქცია.

ბევრი პროდუქციის გაცნობა ვეღარ მოვასწარი. რამდენიმეს გაგიზიარებთ.

დღეს პირველად გავიგე BaobabLife-ს შესახებ, რომელსაც კოსმეტიკური ხაზიდან ნაოჭსაწინააღმდეგო საშუალებები ჰქონდა წარმოდგენილი. კომპანიის წარმომადგნლების თქმით, პროდუქცია ბუნებრივია და მომხმარებელი შედეგს უმოკლეს ვადაში ხედავს. უფრო მეტს შეგიძლიათ გაეცნოთ საიტზე.

ნატურალურ კოსმეტიკის სტატუსით იყო წარმოდგენილი ლიტვური კოსმეტიკა Dzintars, რომელსაც ოდეკოლონები, სუნამო, სახის კრემები, მზის დამცავები, თმის და ფრჩხილების მოვლის, ლაქების, ტონალური კრემების, პომადებისა და ტუშების ფართო არჩევანი ჰქონდა, ფასი - საკმაოდ დაბალი.



გამოფენაზე რომ მივედი, ბევრი სტენდი ალაგებული იყო, მაგრამ რაც ვნახე, ძვირადღირებული კოსმეტიკა არც ერთი არ იყო.
მყიდველები კი საკმაოდ ჩანდნენ, თანაც გამოფენიდან ხელცარიელი თითქმის არავინ გადიოდა.

წარმატებული ქართველი კოსმეტიკის ბიზნესში

ჟურნალ LIVE-ს ამ ფოტოზე გამოსახული წყვილი არჩილ გურიელი-ჭყონია (Prince Artchil Gourieli-Tchkonia ) და მისი მეუღლე ელენა რუბინშტეინი (Helena Rubinstein) კოსმეტიკის ბიზნესში წარმატებული წყვილია. ჭყონია ამერიკაში ემიგრაციაში 1937 წელს წავიდა. იქ მან პოლონელი კოსმეტიკის წარმატებული მწარმოებელი ელენა გაიცნო. 1938 წელს წყვილმა იქორწინა. ჭყონია ელენზე 23 წლით უმცროსი იყო. წყვილმა Gourelli Apothecary დაარსა, რომელსაც ქალის და მამაკაცის ძვირადღირებული კოსმეტიკური ხაზი ჰქონდა. მისი პარფიუმერია ჭყონიას სიკვდილის მერეც პოპულარული იყო.
ელენის კოსმეტიკის შესახებ ინტერნეტში უამრავი ინფორმაციის მოძიება შეიძლება, მისი ქართველი მეუღლის შესახებ კი არაფერი წერია. მათ შესახებ დღეს გავიგე.თუ ვინმემ რამე იცით ჭყონიას საქმიანობაზე კოსმეტიკის ბიზნესში, არ დაიზაროთ და გამიზიარეთ.

კოსმეტიკური ნაწარმის ტესტირების ახალი მეთოდები

თუ ვინმემ, ჩემ მსგავსად, ამის შესახებ ჯერ კიდევ არ იცით, გეტყვით, რომ ცხოველებზე კოსმეტიკური ნაწარმის ტესტირების აკრძალვის შესახებ კანონი 2009 წელს შესულა ძალაში. როგორც აღმოჩნდა, დადგენილება ევროპარლამენტმა ჯერ კიდევ 2003 წლის დასაწყისში მიიღო, თუმცა კანონი ძალაში 2009 წელს უნდა შესულიყო. მაშინ ცხოველთა დაცვის ჯგუფი ამბობდა, რომ ევროპაში ყოველწლიურად 38 000 ცხოველი ტესტირების დროს უმიზეზოდ იღუპებოდა. ტოქსინის შემცველი სამი ნივთიერების ტესტირება ძალაში 2013 წლამდე რჩება.
ევროპის მსგავსად, ცხოველებზე ტესტირება ამერიკაშიც აკრძალულა.
რაც შეეხება ცდების ახალ მეთოდებს, კოსმეტიკური ფირმები ამდროისთვის კომპიუტერულად ან ადამიანის უჯრედის ქსოვილებზე აწარმოებენ.

პირველი პომადა და სასაჩუქრე ბარათი

გუშინ პირველად მაჩუქეს ისი-პარის 100-ლარიანი სასაჩუქრე ბარათი და დღეს დილითვე წავედი მაღაზიაში. კონკრეტულად არ მქონდა გადაწყვეტილი რისი ყიდვა მინდოდა, დაახლოებით კი ვფიქრობდი, რომ კოსმეტიკა იქნებოდა, რადგან სუნამოები მაქვს რამდენიმე და მაინც არც ერთს არ ვხმარობ ხშირად. ბოლო დროს მომინდა, რომ მქონდეს პომადა, აქამდე არასოდეს მიხმარია, მარტო ბლესკები მქონდა და მასაც იშვიათად ვისვამდი. პომადა დიდი გოგოების საგანი მეგონა, ეტყობა დიდი გოგო გავხდი :) ვიყიდე 1 სრულფასოვანი პომადა და ორი მოპომადო ელემეტი, უფრო ბალზამებია, ერთის დიზაინი მომეწონა და ერთის - სუნი :) სამივე ვარდისფერი, კიდევ სახის დასაბანი და ჩემი დისთვის ტონალური კრემი. სამწუხაროდ, ფასდაკლება დასრულებული დამხვდა და ფულის დამატება მომიწია, მაგრამ არაუშავს, უფრო დიდი ნაწილი მაინც უფასოდ წამოვიღე.
კარგი რამეა უფასოდ რომ არჩევ, კიდევ არ ვიტყოდი უარს :)
არ ვიცი მეჩვენება თუ მართლა საგრძნობლად გაზრდილია ისი-პარიში ფასები, დაახლოებით მახსოვს რაში რამდენი მაქვს გადახდილი წინა წლებში და წელს იგივე პროდუქტებს ბევრად დიდი ფასები ედო.
ხო, კიდევ, გათამაშების ბილეთები გუშინ გამიხდა 12 ცალი და პეჟოს მოგება წელსაც მინდა :)

საფრანგეთში 79 წლის ასაკში კომპანია “ივ როშეს” დამფუძნებელი ივ როშე გარდაიცვალა

საფრანგეთში 79 წლის ასაკში მსოფლიოში ცნობილი კომპანიის “ივ როშეს” დამფუძნებელი ივ როშე გარდაიცვალა.
ამის შესახებ “ვესტი.რუ” კომპანიის ოფიციალური წარმომადგენლის ინფორმაციაზე დაყრდნობით იუწყება.
კოსმეტიკური პროდუქციის მწარმოებელი კომპანია “ივ როშე” 1959 წელს დაარსდა. ამჟამად კორპორაციაში 15 ათასი თანამშრომელი მუშაობს, მთლიანად ქსელში კი 200 ათასი ადამიანია დასაქმებული. “ივ როშეს” ბუტიკები და სილამაზის ინსტიტუტები მსოფლიოს 30 ქვეყანაშია გახსნილი.
ივ როშე მის მიერ დაარსებულ კომპანიას ბოლო დღემდე ხელძღვანელობდა.

წყარო: ipn.ge

კოსმეტიკის იაფად შეძენის მარტივი გზა

AVON-ის პროდუქცია შეგიძენიათ? მე ვერ ვიხსნებ, მგონი არა და არც ვაპირებდი წერილი რომ არ მიმეღო, სადაც მთავაზობდნენ, რომ გავმხდარიყავი კომპანიის წარმომადგენელი და მესარგებლა შეღავთებით პროდუქციის ყიდვისას. როგორც აღმოჩნდა, თუ ორი თვის განმავლობაში 50-ლარის პროდუქციას მაინც შევიძენ, 15%-იანი ფასდაკლებით ვისარგებლებ, 100-200 ლარის ღირებულების პროდუქტების ყიდვისას 20%-იანი, ხოლო 200 ლარზე მეტი ღირებულების ყიდვისას - 25%-იანი ფასდაკლებით. საშუალოდ თვეში 25 ლარის პროდუქცია გამომდის, მე ბევრად მეტიც მეხარჯება შამპუნებში და თუ კარგი პროდუციაა, რატომაც არ მიღის გაწევრიანება? გადავწყვიტე, მოვსინჯო. მით უმეტეს, რომ გაწევრიანება უფასო ყოფილა... მერე თქვენ თუ თქვენს სახელზე გააწევრიანეთ სხვა, იმაზეც არის ბონუსები, მე არავის გაწევრიენებას არ ვაპირებ.თუ თქვენ გადაწყვეტთ გაწევრიანებას,ქალბატონ ნანას დაუკავშირდით 895 242229

ეს კი პროდუქციის კატალოგი
http://www.ge.avon.com/PRSuite/static/ebrochure/e-brochure.html

BIODROGA

`ბიოდროგას` კოსმეტიკა საქართველოში ნაკლებად პოპულარულია. შესაძლოა, ამის მიზეზი მისი ფასია. თუმცა თუ ამ ბრენდს ერთხელ მაინც მოიხმართ, მეორედ თანხის გადახდა ნამდვილად აღარ დაგენანებათ და სიამოვნებით დატოვებთ სალაროში თითო პროდუქციაში დაახლოებით 60-80 ლარს.
გერმანული ბრენდი ბიოდროგას ფარმაკოსმეტიკის არაჩვეულებრივი ხაზი აქვს. მე ბოლო ერთი წელია ვხმარობ სახის დასაბან გამწმენდს, ლოსიონს, ტონალურს და ტონალურის ქვეშ წასასმელ კრემს. ჩემთვის ტონალურს მარტო ვიზუალური დანიშნულება არ აქვს, ის კანს წმენდს ზედმეტი რაღაცებისგან და ძალიან კომფორტული მოსახმარია.
ბიოდროგას ისტორია 1939 წელიდან იწყება, როცა ვოლტერ ფრიდმანმა პატარა სალონი გახსნა და წარმოადგინა თავისი ნოვატორული კოსმეტიკა ლაიფციგის ბაზარზე. საბოლოო სახით, ბრენდის პროდუქცია პირველად 1959 წელს შვეიცარიაში კონგრესზე გამოიფინა.
ვოლტერ ფრიდმენის გარდაცვალების შემდეგ, 1970 წელს მისი მეუღლე მარია აუგუსტინი აგრძელებს კომპანიის მართვას ბადენ-ბადენში. მას შემდეგ, ის, თავისი ვაჟის დახმარებით, მართავს ბიზნესს, როგორც წარმატებულ საერთაშორისო ბრენდს.
`ბიოდროგა` მსოფლიოს 50-ზე მეტ ქვეყანაში ვრცელდება.
www.biodroga.com